Хабарингиз бор, шу кунларда Ироқ ёшлар терма жамоаси Тошкентда ўқув-йиғин машғулотларини олиб бормоқда. Йиғин доирасида ироқликлар Ўзбекистон ёшлар терма жамоаси билан иккита ўртоқлик ўйинини ўтказишиб, битта ғалаба ва битта мағлубият қайд этишди (1:0 ва 0:2).

Тошкентдаги йиғинни давом эттираётган ироқликлар мутасаддилари куни кеча Тошкентнинг “Истиқлол” жамоасига ўртоқлик ўйини ўтказиш таклифи билан чиқишди. Ўз навбатида “Истиқлол” мураббийлари бу таклиф розилик беришди.

Шундай қилиб, эртага 31 май санасида Тошкентдаги “Тўқимачи” стадионида, соат 17:30да “Истиқлол” жамоаси ҳамда Ироқ ёшлар терма жамоалари ўртасида ўртоқлик ўйини ўтказилади.

“Истиқлол” шу куни асосан Иккинчи лигадаги жамоа аъзолари билан майдонга тушади, шунингдек, Биринчи лигадаги жамоадан ҳам бир нечта футболчилар бу ўйинда иштирок этишади.

Барча футбол ишқибозларини ушбу учрашувга таклиф этамиз.