Жейми Каррагер Рубен Аморимнинг "Манчестер Юнайтед" ҳақидаги сўзларига жавоб берди.
АПЛнинг 22-турида “Брайтон”дан учралган мағлубиятдан сўнг (1:3) манкунианликлар бош мураббийи шундай деди: "Биз “Манчестер Юнайтед” тарихидаги энг ёмон жамоамиз".
"Мен "Манчестер Юнайтед" тарихини Гари Невилл каби билмайман, лекин айтишим керакки, бу мен мураббийдан эшитган энг ғалати ва кулгили гаплардан бири эди.
Нега бундай фикр билдириш керак... Бундай фикрни мутахассис, менинг ўрнимдаги одам айтиши мумкин эди ва бу фикрни ҳимоя қилиш керак эди. Аморимга бундан нима фойда, нима афзаллигини билмайман", - дейди "Ливерпул"нинг собиқ ҳимоячиси.
