Ҳимоячи Кайл Уокер "Милан" сафига ўтишга яқинлашмоқда. «Daily Mail» хабарига кўра, 34 ёшли инглиз Италияга сешанба охиригача етиб боради. Шундан сўнг Уокернинг "Манчестер Сити"дан трансфери якунланади.
Аввалроқ, "Манчестер Сити" бош мураббийи Хосеп Гвардиола Кайл Уокернинг клубини ўзгартириш истаги ҳақида гапирган эди. Ҳимоячи 2017 йилнинг ёзидан буён "шаҳарликлар" сафида ўйнади. Етти ярим йил давомида Уокер 319 та ўйин ўтказиб, 6 та гол урди ва жамоадошларига 23 та голли узатма берди.
"Милан" айни дамда А Серия турнир жадвалида саккизинчи ўринни эгаллаб турибди.
