Ярим ҳимоячи Поль Погба март ойида допинг тақиқи тугагач, футболчилик фаолиятини давом эттиради. Франциялик футболчининг сўзларига кўра, у яна Франция терма жамоасидан жой олишни истайди. Бу сценарийда Погба Антуан Гризманни терма жамоага қайтаришга чақиради. Иккинчиси ўтган йилнинг кузида Франция терма жамоасидаги фаолиятини якунлаганини эълон қилди.
"Франция терма жамоасини соғиндим. Мен футбол ўйнашни соғиндим. Агар терма жамоага қайтсам, Гризманнга айтаман: "Қайтинг". Агар қайтсам, унга қўнғироқ қиламан" - деди Погба.
Март ойида Франция терма жамоаси Миллатлар лигасининг чорак финалида Хорватияга қарши баҳс олиб боради.
