"Челси" Алехандро Гарначони трансфер қилиш фикридан воз кечмаяпти.
The Telegraph нашри хабарига кўра, "кўклар" шу ойда "Манчестер Юнайтед" вингери ҳақида суриштирув олиб боришган ва унинг трансфери бўйича кейинги музокаралар олиб боришмоқчи.
Шунингдек, яқин кунларда лондонликлар Жейми Гиттенс ("Боруссия" Дортмунд) ва Матис Тель ("Бавария") билан шартномалар тузиш имкониятларини муҳокама қилишади. Шундан сўнг, улар учтадан қайси бирига эътибор беришни ҳал қилишади.
Қайд этилишича, "Манчестер Юнайтед" Гарначо учун 50 миллион фунт талаб қилади ва "Челси" бундай трансферни амалга ошириш учун аввало кимнидир сотиши керак бўлади.
