Ла Лига келаси мавсумда Чемпионлар лигасида 5 та жамоа иштирок этиш имкониятига эга бўлиши мумкин. Испания чемпионати УЕФА рейтингида иккинчи ўриндан бор-йўғи 0,018 очко орқада.

"As" нашри маълумотига кўра, Ла Лига УЕФА рейтингида 13,357 очко тўплаган ва иккинчи ўринга жуда яқинлашган. Бу ўрин 5 та жамоани Чемпионлар лигасига чиқиш имконини беради. Ҳозирда Италиянинг А Серияси (13,375 очко) иккинчи ўринда, фарқ эса бор-йўғи 0,018 очкони ташкил қилади.

Рейтинг етакчиси 15 очко билан АПЛ ҳисобланади.

Шунингдек, Ла Лиганинг рейтинги ошишига жорий мавсумда «Барселона» ва «Атлетико»нинг Чемпионлар лигасидаги муваффақиятли иштироклари сабаб бўлгани таъкидланади. «Кўк-анорранглилар» «Бенфика»ни мағлубиятга учратиб, 1/8 финалга чиқишни кафолатлади ва ҳозирда умумий босқич жадвалида иккинчи ўринда турибди. «Атлетико» эса учинчи ўринни эгалламоқда.