Ҳужумчи Рандал Коло-Муани тез орада "ПСЖ"дан ижара асосида "Ювентус"га ўтиши мумкин. Аввалроқ матбуотда Париж клубининг ижара лимити туфайли келишув кечиктирилгани ҳақида маълумот пайдо бўлганди. Машҳур журналист Фабрис Хокинс хабар берганидек, энди муаммо ҳал бўлди. "ПСЖ" ёз охиридан бери "Вильярреал"да ижара асосида тўп тепаётган ҳимоячи Хуан Бернат билан шартномани бекор қилди. Испаниялик футболчининг меҳнат шартномасининг бекор қилиниши Коло-Муанига Италияга кетиш имконини беради.

Эслатиб ўтамиз, "ПСЖ"нинг Хуан Бернат билан тузилган меҳнат шартномаси жорий мавсум охиригача ҳисобланганди.