Пол Мерсоннинг фикрича, "Манчестер Сити" Премьер-лига чемпионлиги учун курашга қайтмайди.
Пеп Гвардиола шогирдлари Англия Премьер-лигасида 22 ўйиндан кейин 38 очко билан бешинчи ўринда бормоқда. Пешқадам "Ливерпул"дан 12 очко фарқ бор.
Шанба куни Манчестер клуби 23-турни ўз майдонида 4-ўриндаги ва "шаҳарликлар"дан 2 очко олдинда бораётган "Челси"га қарши ўтказади.
- "Манчестер Сити" чемпионлик пойгасига қайтиши мумкинми?
- Йўқ, менимча, улар чемпионлик учун эмас, кучли тўртлик учун курашадилар.
"Манчестер Сити" дам олиш кунларида "Челси"га қарши ўйин ўтказади ва ўйлайманки, лондонликлар уларни мағлуб этишади" - деди "Арсенал"нинг собиқ футболчиси Пол Мерсон.
