"Наполи" Дортмунднинг "Боруссия" клуби вингери Карим Адейемини сотиб олиш устида ишламоқда, дея хабар беради инсайдер Фабрицио Романо.
Манба берган хабарга кўра, Италия клуби бугун 23 ёшли германияликнинг атрофидагилар билан ижобий алоқалар ўрнатган, бироқ ҳозирча ҳеч нарса келишиб олинмаган.
"Боруссия Д" Адейемини қўйиб юборишга тайёр, ҳаммаси футболчининг қарорига боғлиқ бўлади. "Наполи" қанот вингерини қўлга киритиш учун 45-50 миллион евролик таклиф тайёрламоқда.
Дортмунднинг "Боруссия" клуби Адейемини 2022 йилнинг ёзида "Зальцбург"дан 20 миллион еврога сотиб олган эди.
