Каталониянинг "Барселона" клуби матбуот хизмати жамоанинг чап қанот ҳимоячиси Жерар Мартин билан тузилган меҳнат шартномасини 2028 йилгача узайтиришини маълум қилди.
22 ёшли Мартин бу мавсумда "Барселона"нинг асосий жамоасида дебют қилди. Футболчи Каталония клуби тизимида 2023 йилдан буён тўп тепмоқда. У аввалроқ "Корнелья"да ўйнаган. Жорий мавсумда Жерар барча мусобақаларда 18 та ўйин ўтказиб, 2 та голли узатмани амалга оширди. Нуфузли "Transfermarkt" интернет портали испаниялик ҳимоячининг бозор нархини 5 миллион еврога баҳоламоқда.
Эслатиб ўтамиз, "Барселона" 20 учрашувда 39 очко жамғарган ҳолда Примера турнир жадвалида учинчи ўринда бормоқда.
