"Бавария" бош мураббийи Венсан Компани жамоасини яхшилаш кераклигини тан олди. Бельгиялик мураббийнинг фикрича, "Бавария" ҳозирда топ-жамоа эмас.
"Айни пайтда биз топ-жамоа эмаслигимизни тан олишимиз керак. Аммо жамоа бирлашади. Бу менга умид бахш этади. Чемпионлар лигасида биз жуда ёмон аҳволдамиз, бунга ўзимиз сабабчимиз. Биз жуда кўп хатоларга йўл қўямиз ва биз қаттиқ жазоланамиз" - деди Компани DAZN нашрига.
25 январь, шанба куни "Бавария" Германия чемпионати доирасида сафарда "Фрайбург"га қарши ўйин ўтказади. Ўйин Тошкент вақти билан 19:30да бошланади.
