"Манчестер Сити"нинг португалиялик ҳимоячиси Рубен Диаш яна жароҳат олди. Бу ҳақда жамоа бош мураббийи Хосеп Гвардиола маълум қилди.
"Унинг қанча вақт сафдан чиқишини ҳали билмайман... У барқарор эди, доим кўп ўйин ўтказди, аммо бу мавсум унинг учун ёмон бошланди...", - деди испаниялик мутахассис матбуот анжуманида.
Эслатиб ўтамиз, бу 27 ёшли Диашнинг жорий мавсумдаги учинчи жароҳати бўлди. Умуман олганда, ҳимоячи барча турнирларда майдонда 21 марта майдонга тушган. Эртага, 25 январь куни "Манчестер Сити" ўз майдонида Англия Премьер-лигасининг 23-тури доирасида "Челси"ни қабул қилади. Ўйин Тошкент вақти билан соат 22:30да бошланади.
