Мадриднинг "Реал" клуби ҳужумчиси Винисиус Жуниор 2023 йил октябрь ойида "Барселона"га қарши ўйин (1:2) вақтидаги ирқчилик бўйича суд мажлисида иштирок этди, деб хабар беради La Razon.
24 ёшли бразилиялик футболчи Ла Лига ўйинида ирқчиликка учраганини тасдиқлади ва бу ишни қўшимча текширишга чақирди.
Тергов жараёнида Винисиусни стадионда ҳақорат қилган "Барселона"нинг уч нафар мухлисини аниқлаш мумкин бўлди. Улардан икки нафари судга чақирилган, бироқ улар ўз айбларини тан олмади.













