"Ливерпуль" ҳужумчиси Муҳаммад Салоҳ фаолиятини Саудия Арабистони чемпионатида давом эттириш имкониятига эга. Инсайдер Николо Скиранинг хабар беришича, мисрлик футболчига "Ал-Ҳилол" қизиқиш билдирмоқда. Клуб 32 ёшли футболчи учун катта шахсий таклиф тайёрламоқда.
Манбага кўра, шартнома 2028 йилгача мўлжалланган бўлади. Эслатиб ўтамиз, Муҳаммаднинг "Ливерпуль" билан амалдаги шартномаси шу йилнинг ёзида якунига етади.
Салоҳ жорий мавсумда "Ливерпуль" сафида 31 та ўйинда майдонга тушиб, 22 та гол урди ва 17 та голга ассистентлик қилди.
