"Манчестер Сити" марказий ҳужумчиси Эрлинг Холанд "шаҳарликлар" мураббийи Хосеп Гвардиола ҳақида фикр билдирди.
"Гвардиолада мени асабийлаштирадиган баъзи жиҳатлар бор. Бунинг сабаби шундаки, Пеп майда-чуйда нарсаларга жуда эътибор беради. Айнан шу нарса уни бироз безовта қилади. У бир нарсани 20 марта такрорлаши мумкин. Сизга эса фақат рози бўлишдан бошқа чора қолмайди," - дея норвегиялик ҳужумчининг сўзларини CBS Sports келтиради.
Холанд АПЛнинг жорий мавсумида 22 та ўйин ўтказди. 24 ёшли ҳужумчи 17 та гол уришга эришди.
