"Реал Мадрид" бош мураббийи Карло Анчелотти жамоасининг Ла Лига турнир жадвалидаги ўрни ҳақида ўз фикрлари билан ўртоқлашди.
“Лос Бланкос” “Вальядолид”ни 3:0 ҳисобида мағлуб этиб, “Атлетико” билан устунлигини 4 очкога етказди.
Учинчи ўринда бораётган “Барселона” пешқадамдан ўн очко ортда қолмоқда, бироқ ҳисобида битта ортиқча ўйин бор.
"Чемпионлик пойгаси тугаши ҳақида гапириш учун олдинда жуда кўп турлар бор. Ҳар бир ўйинда курашишингиз керак, бироқ бу осон эмас.
Рақобатчиларга нисбатан бизда кичик устунлик бор ва умид қиламанки, биз уни сақлаб қоламиз", - дея Анчелоттининг сўзларини келтирмоқда Madrid Universal.
