"Real Madrid" bosh murabbiyi Karlo Anchelotti jamoasining La Liga turnir jadvalidagi o‘rni haqida o‘z fikrlari bilan o‘rtoqlashdi.
“Los Blankos” “Valyadolid”ni 3:0 hisobida mag‘lub etib, “Atletiko” bilan ustunligini 4 ochkoga yetkazdi.
Uchinchi o‘rinda borayotgan “Barselona” peshqadamdan o‘n ochko ortda qolmoqda, biroq hisobida bitta ortiqcha o‘yin bor.
"Chempionlik poygasi tugashi haqida gapirish uchun oldinda juda ko‘p turlar bor. Har bir o‘yinda kurashishingiz kerak, biroq bu oson emas.
Raqobatchilarga nisbatan bizda kichik ustunlik bor va umid qilamanki, biz uni saqlab qolamiz", - deya Anchelottining so‘zlarini keltirmoqda Madrid Universal.
