"Марсель" А Сериядан ярим ҳимоячи сотиб олиши мумкин.

Журналист Жанлука Ди Марцио хабарига кўра, француз клуби "Ювентус"дан Николо Фаджоли бўйича янги сўров билан чиққан. Французлар ярим ҳимоячининг ижарасига умид қилишмоқда, томонлар футболчини сотиб олиш мумкин бўлган ёки мажбурий сотиб олиш ижараси масаласини муҳокама қилишлари керак.

Қайд этилишича, "Марсель" шартномага сотиб олиш вариантини киритмоқчи, аммо Турин клуби ёзги ойнада унинг трансферидан албатта фойда олишига ишонч ҳосил қилишни афзал кўрмоқда.

Ди Марционинг сўзларига кўра, "Рома" вингери Николо Залевскига ҳам "Марсель" қизиқиш билдирмоқда. Ҳозирча клуб унинг Францияга трансферини ташкил қилиш йўлини қидирмоқда.