"Барселона" ярим ҳимоячиси Фермин Лопес яқинда "Валенсия"га қарши ўйинда (7:1) ўзига хос натижага эришди.

Испания чемпионатининг 21-туридан ўрин олган якшанба кунги ўйинда испаниялик футболчининг ўзи икки марта гол урди ва жамоадошларига икки бор ассистентлик қилди.

“Барселона” футболчилари орасида охирги марта 2019-йилда Лионель Месси Ла Лиганинг битта ўйинида 2+2 натижани қайд этишга муваффақ бўлди.

21 ёшли Фермин Лопес "Барселона"нинг асосий жамоаси сафида барча мусобақаларда 63 ўйинда майдонга тушиб, 14 гол урган ва 6 голга ассистентлик қилган.