"Тоттенхэм" қишки трансфер ойнасининг қолган қисмида марказий ҳимоячи эмас, балки ҳужумчини олиб келишга эътибор қаратмоқда.

Sky Sports нашри хабарига кўра, январь ойи бошида "Тоттенхэм" марказий ҳимоясини кучайтиришга фаол ҳаракат қилган ва ПСВ аъзоси Оливе Боскальи ва "Фейеноорд" ҳимоячиси Давид Ганцкога эътибор қаратган.

Бироқ, кейин "Тоттенхэм" дарвозабон Антонин Кинскини сотиб олди ва асосий эътиборни ҳужумчи топишга қаратиб, устуворликларини ўзгартирди.

"Тоттенхэм" Рандал Коло-Муанини олишни хоҳлади, аммо у "ПСЖ"дан "Ювентус"га ижарага ўтди. "Шпорлар"нинг "Аякс" футболчиси Брайан Броббига қизиқиши ҳақидаги миш-мишлар ҳақиқатга тўғри келмайди.

Манба "Тоттенхэм"нинг радарида бўлган бир ҳужумчи номини айтди. Бу футболчи Эван Фергюсон бўлиб, уни "Брайтон" мавсумнинг иккинчи ярмига ижарага беришга тайёр.