"Барселона" хакерлар ҳужумига учради.
Сешанба куни Каталония клуби дам олиш кунлари содир бўлган киберҳужум ҳақида хабар берди. Шу билан бирга, "Барселона" тизимга таъсири минимал эканлигини, фойдаланувчи маълумотлари сизиб чиқиб кетиш хавфи истисно қилинганини таъкидлади.
"Барселона" доимий равишда хакерлик ҳужумларига дуч келади ва шунинг учун қаттиқ хавфсизлик чораларини кўради. Ушбу ҳодиса самарали тарзда ҳал қилинди ва AEPD (Испания маълумотларини ҳимоя қилиш агентлиги)га хабар берилди. Бу билан боғлиқ бошқа ноқулайликларнинг олдини олиш учун қўшимча чоралар ҳам кўрилди.
"Ушбу ҳодисани тезда аниқлаш ва ҳал қилиш орқали клуб ҳамкорларимиз ва мухлисларимизнинг шахсий ҳаёти ва хавфсизлигига содиқлигини яна бир бор намойиш қилмоқчи, шу билан бирга хавфсиз ва ишончли муҳитни таъминлаш учун тизимларни такомиллаштириш устида доимий ишламоқда”, - дейилади клуб баёнотида.
