Агент Пауло Барбосанинг фикрича, ҳужумчи Неймарнинг Бразилиянинг "Сантос" клубига ўтиши ўзига хос муросадир.
Олдинроқ бразилиялик футболчи "Ал-Ҳилол" билан шартномасини бекор қилганди. Маълум бўлишича, 32 ёшли футболчи "Сантос" билан олти ойлик шартнома имзолади.
"Менимча, Неймарнинг "Сантос"га ўтиши ўзига хос муросадир. Тушунишимча, у Бразилияда кўпи билан олти ойдан бир йилгача ўйнаб, кейин Месси ва Суарес ўйнаётган "Интер Майами"га ўтиши керак. Неймарнинг Европадаги буюк карьераси тугади, энди у бошқа жаҳон чемпионатида терма жамоада ўйнаш имконини берадиган бошқа мақсадларни кўзламоқда", - деди Барбоса.
Жорий мавсумда Неймар "Ал-Ҳилол" сафида барча мусобақаларда иккита ўйин ўтказди.
