Чемпионлар лигаси доирасида “Штутгарт”га қарши ўйинда (4:1) хет-трик қайд этган “ПСЖ” вингери Усмон Дембеле журналистларга интервью берди.
"Бу ажойиб ўйин бўлди. Охирги дақиқаларда хотиржамликни намоён қилдим ва бир нечта голлар урдим. Жамоамиз саралаш ва турнирнинг плей-офф босқичида қатнашиш ниятида. Буни умумий босқичдаги сўнгги ўйинларимизда ҳам кўрсатдик", - дейди футболчи.
Париж гранди 13 очко жамғариб, турнир жадвалида 15-ўринни эгаллади. Луис Энрике шогирдларининг навбатдаги рақиби 31 январ куни Чемпионлар лигаси плей-офф босқичига қуръа ташлаш маросимида аниқланади.
