"Ренн" расмий сайти орқали Хорхе Сампаоли жамоа бош мураббийлигидан истеъфога чиққанини эълон қилди.
64 ёшли аргентиналик мутахассис ва француз клуби ўртасидаги шартнома ўзаро келишув асосида бекор қилинди.
Хорхе Сампаоли ноябрь ойида «Ренн»ни бошқарган эди. Аргентиналик мураббий жамоа бошқарувида бор-йўғи ўнта ўйин ўтказган, бу учрашувларда у учта ғалаба ва еттита мағлубиятни қайд этди.
Пресс-релизда "Ренн" Сампаоли фаолияти учун миннатдорчилик билдирди ва унга келажакдаги фаолиятида омад тилади.