"Манчестер Юнайтед" Рубен Аморим қўл остида Европа лигасидаги ғалабали сериясини узайтирди.
Умумий гуруҳ босқичининг сўнгги турида “қизил иблислар” Руминиянинг ФКСБ жамоасини Диого Далот ва Кобби Майнунинг голлари эвазига мағлуб этишди (2:0).
Шу тариқа, жамоа Аморим бошчилигида Европа ареналарида ўтказилган дастлабки тўртта учрашувнинг тўрттасида ғалаба қозонди.
Илгари, клуб тарихида бу фақат бир марта содир бўлганди - 1990/91 йилги мавсумда, ўшанда "манкунианликлар" Алекс Фергюсон қўл остида еврокубоклардаги дастлабки тўртта ўйинда ғалаба қозонган.