"Барселона" ва "ПСЖ"нинг собиқ вингери Неймар "Сантос"га эркин агент сифатида қайтиши ҳақида фикр билдирди.
Футболчининг сўзларидан ESPN нашри иқтибос келтирмоқда.
"Бу мен учун нажот. Бу ерда охирги марта ўйнаганимдан бери кўп вақт ўтди. Энди мен яна ўзим ёқтирган иш билан шуғулланишим мумкин - футбол ўйнаш.
Одамлар менинг трансферимни Бразилия футболи учун нажот деб атаганидан хурсандман. Мен ўзимга бўлган ишончни қайтаришим керак. Мен излаётган нарса шу эди", - деди Неймар.
Эслатиб ўтамиз, бразилиялик футболчи 2009 йилдан 2013 йилгача "Сантос"да ўйнаган, шундан сўнг 57 миллион евро эвазига "Барселона"га ўтганди.
Каталонияликлар таркибида вингер дунёнинг энг яхши футболчиларидан бирига айланди ва рекорд даражадаги 222 миллион евро эвазига "ПСЖ"га ўтди.
