Вингер Аллан Сен-Максименнинг "Ал Аҳли"дан "Наполи"га ўтиши барбод бўлиши мумкин.
Неаполликларнинг франциялик футболчини қўлга киритиш нияти ўтган ҳафтада хабар қилинганди. Журналист Николо Скиранинг янгиланган ҳисоботида хабар беришича, музокаралар давомида ҳали ҳал этилмаган муаммо юзага келган.
Менежер Антонио Конте 27 ёшли футболчининг қобилиятини юқори баҳолайди ва уни ўз жамоасида кўришни жуда хоҳлайди.
Аллан Сен-Максимен айни дамда "Фенербахче"да ижара асосида ўйнамоқда.
"Наполи"га трансфер амалга ошиши учун томонлар футболчининг турк клуби билан ижара шартномасини муддатидан олдин бекор қилиш борасида келишиб олишлари керак.
