Испания чемпионатининг сўнгги турида "Осасуна"ни қабул қилган "Реал" рақиб дарвозасини тўрт бор ишғол қилишга муваффақ бўлди. Клубни тарк этаётган Жозе Моуриньо эса клуб расмий сайти орқали мухлислар билан хайрлашди.

"Реал" билан алоқаси бўлган барча-барчага яхши тилаклар билдираман. Мен кўплаб мухлисларнинг қўллаб-қувватлашларини ҳурмат қиламан, қолганларнинг танқидларини ҳам. Яна бир бор бу ердаги ҳаммага омад ва соғлик тилайман. Hala Madrid!", дейди Моуриньо.

"Қироллик клуби" бошқарувидаги уч йил давомида португалиялик мутахассис Испания чемпиони, кубоги ва суперкубоги соҳибига айланди. Эндиликда у фаолиятини яна Лондоннинг "Челси" клубида давом эттиради.

"Реал" – "Осасуна" 4:2 (2:0, 2:2)
Голлар: 1:0 – 35 Игуаин, 2:0 – 38 Эссьен, 2:1 – 52 Р. Торрес, 2:2 – 63 Сехудо, 3:2 – 69 Бензема, 4:2 – 87 Кальехон.
"Реал" – Хесус, Эссьен, Альбиоль, Карвалью, Арбелоа (Д. Льоренте, 85), Модрич, Ди Мария (Начо, 46), Кальехон, Озил (Омар, 81), Бензема, Игуаин.
"Осасуна" – Риесго (Рикардо, 75), Ойер, У.Гарсия, Рубен, Нано, Сильва (Меса, 78), Р. Торрес, Сехудо, Арментерос, Тимор, Хосеба Льоренте (Омву, 46).
Огоҳлантиришлар: Игуаин (44), У.Гарсия (44).

Турнинг қолган ўйинлари давом этмоқда. Эслатиб ўтамиз, Испания чемпионати бугун якунига етади.