"Манчестер Сити" "Порту"дан Нико Гонсалесни қўлга киритиш устида ишламоқда.

«CNN Portugal» хабарига кўра, 23 ёшли ярим ҳимоячининг трансфери бўйича клублар ўртасидаги музокаралар яхши суръатда кетмоқда. Томонлар келишувга эришишга яқин келишди.

Таъкидланишича, "шаҳарликлар" талаб қилинган 60 миллион евро ёки шу белгига яқин суммани тўлашга тайёр. Дастлаб инглиз клуби 40 миллион евро атрофида таклиф қилмоқчи эди.

Фабрицио Романонинг сўзларига кўра, "Ман Сити" 60 миллион тўлайди, аммо тўлов тузилмаси ўзгартирилади. Футболчига тиббий кўрикдан ўтиш ва шартнома имзолаш учун Англияга учиб кетишга рухсат берилди.

Эслатиб ўтамиз, 2024 йилда Никони 8,4 миллион еврога сотган "Барселона" қайта сотишдан тушган фойданинг 40 фоизини олиш ҳуқуқига эга.