2025 йил 4 февраль куни Мадриддаги "Метрополитано" стадионида Испания кубоги чорак финал босқичидан ўрин олган "Атлетико" ва "Хетафе" жамоалари ўртасидаги ўйин бўлиб ўтди. Атлетико" жамоаси ушбу учрашувда 5:0 ҳисобида йирик ғалабага эришди.

Ўйиннинг дастлабки дақиқалариданоқ "Атлетико" ташаббусни қўлга олди. 8-дақиқада Жулиано Симеоне ҳисобни очди. 17-дақиқада у яна бир бор рақиб дарвозасини ишғол қилиб, дублга эришди. Биринчи бўлим якунланишидан олдин, 42-дақиқада, Самуэл Линонинг голи билан ҳисоб 3:0 кўринишига келди.

Иккинчи бўлимда "Атлетико" ўз устунлигини янада оширди. 78-дақиқада Анхель Корреа жамоасининг тўртинчи голини урди. Ўйиннинг сўнгги дақиқаларида, 86-дақиқада, Александер Серлот ҳисобни 5:0 кўринишига олиб келди.

Бу ғалаба орқали "Атлетико" Испания кубогининг ярим финалига йўл олди.

Испания кубоги. 1/4 финал
Атлетико – Хетафе – 5:0 (3:0)
Голлар: 1:0 – Симеоне, 8; 2:0 – Симеоне, 17; 3:0 – Лино, 42; 4:0 – Корреа, 78; 5:0 – Сорлот, 86.