Испания чемпионатининг 22-туридан ўрин олган “Эспаньол” – “Реал” ўйинидан сўнг Ла Лиганинг икки ҳаками фаолиятидан четлаштирилди.
Эслатиб ўтамиз, учрашувни Алехандро Мунис Руис бошчилигидаги ҳакамлар бригадаси бошқариб борди.
Айнан у, шунингдек, ВАР тизимида ишлаган Игнасио Вилянуева Испания чемпионати ҳакамлар техник қўмитаси раҳбари Луис Медина Канталехо томонидан четлатилди.
Испаниялик ҳакамлар корпуси раҳбарининг сўзларига кўра, Руис “Эспаньол” ҳимоячиси Карлос Ромерони “Лос-Бланкос” ҳужумчиси Килиан Мбаппега нисбатан қўполлик ишлатганидан сўнг етарлича жазоламаган, деб хабар бермоқда AS нашри.
Жараён "Реал Мадрид" Ромерога фақат сариқ карточка берилгани учун шикоят қилганидан кейин бошланди. Айнан Ромеро "Эспаньол"га ғалаба келтирган ягона гол муаллифи бўлди.
