Вакилларимизнинг йирик (0:3) ҳисобдаги мағлубияти билан якунига етган ўйиндан сўнг фикр билдирган терма жамоамиз бош мураббийи таркибдаги футболчиларнинг ёшига урғу берди.

Темур Олимхўжаев (Ўзбекистон U16 терма жамоаси бош мураббийи: "Жамоамиз бошқаларга қараганда ёшроқ таркибга эга. Бизда майдонга тушаётган ўн беш ёшли футболчиларимиз ҳам бор. Ишонинг, улар келажакда яхшироқ ишлашиб ҳақиқий кучларини намойиш этадилар. Туркияни эса ғалабаси билан табриклайман.

Ҳоқон Течимер (Туркия U17 терма жамоаси бош мураббийи): "Ажойиб ўйин гувоҳи бўлдик. Иккинчи голдан сўнг бироз ҳотиржамроқ ўйнай бошладик ва натижада рақибни майдон марказида ушлаб туришга ҳаракат қилдик."

Маълумот ўрнида айтиш жоиз, мусобақанинг ўтган йилги ўйинларида Дилшод Нуралиев бошчилигидаги Ўзбекистон терма жамоаси учинчи ўринни қўлга киритганди.