"Бавария" спорт директори Кристоф Фройнд чап қанот ҳимоячиси Альфонсо Дэвиснинг янги шартномаси ҳақида фикр билдирди.
Канадалик футболчи мюнхенликлар билан 2030 йилнинг ёзига қадар шартнома имзолади. Футболчининг аввалги шартномаси жорий мавсум охирида якунига етган ва бир қанча топ-клублар, жумладан, "Реал" ҳам қанот ҳимоячисини эркин агент сифатида жалб қилишга тайёр эди.
"Дэвис "Бавария"да ўйнаб, ўз позициясида дунёнинг энг яхши ўйинчиларидан бирига айланган эди, шунинг учун унга қизиқиш катта эди.
Унинг фаолиятини биз билан давом эттиришга қарор қилгани «Бавария»нинг жаҳон футболидаги нуфузи нақадар юқори эканлигини кўрсатади.
Бу ҳам Мюнхен Альфонсо учун спорт уйига айланганидан далолат беради", - дея Фройнднинг сўзларини келтиради Bayern & Germany.
