"Bavariya" sport direktori Kristof Froynd chap qanot himoyachisi Alfonso Devisning yangi shartnomasi haqida fikr bildirdi.
Kanadalik futbolchi myunxenliklar bilan 2030 yilning yoziga qadar shartnoma imzoladi. Futbolchining avvalgi shartnomasi joriy mavsum oxirida yakuniga yetgan va bir qancha top-klublar, jumladan, "Real" ham qanot himoyachisini erkin agent sifatida jalb qilishga tayyor edi.
"Devis "Bavariya"da o‘ynab, o‘z pozisiyasida dunyoning eng yaxshi o‘yinchilaridan biriga aylangan edi, shuning uchun unga qiziqish katta edi.
Uning faoliyatini biz bilan davom ettirishga qaror qilgani «Bavariya»ning jahon futbolidagi nufuzi naqadar yuqori ekanligini ko‘rsatadi.
Bu ham Myunxen Alfonso uchun sport uyiga aylanganidan dalolat beradi", - deya Froyndning so‘zlarini keltiradi Bayern & Germany.
