"Барселона" ҳимоячиси Рональд Араухонинг шартномасини клублар қанчага сотиб олиши мумкинлиги маълум бўлди.
Diario Sport хабарига кўра, Араухонинг "Барселона" билан янги шартномасида товон пули 65-70 миллион еврони ташкил этади. Бироқ бу “Барселона”нинг Чемпионлар лигасидаги тўғридан-тўғри рақибларига тааллуқли эмас, дея хабар беради манба.
Қайд этилишича, Араухони каталонияликлар билан музокараларсиз фақат Саудия Арабистони клублари, шунингдек, Англия Премьер-лигасининг айрим жамоалари сотиб олиши мумкин.
Жорий мавсумда 25 ёшли уругвайлик футболчи барча турнирларда еттита учрашувда майдонга тушиб, битта гол урди ва битта голли узатмани амалга оширди.
