"Барселона" футболчилари Испания чемпионатининг сўнгги учрашувида "Малага"ни йирик ҳисобда мағлубиятга учратдилар. Эътиборли томони, каталонияликлар бу билан ўз олдиларига қўйган 100 очко тўплаш вазифасини бажардилар. Аввалроқ, уларга ушбу марра учун пул мукофотлари эълон қилинганди.
Жаҳон юлдузи Месси 46та гол билан чемпионат тўпурарига айланди. У энг яқин таъқибчиси Криштиану Роналдуни 12та гол фарқи билан ортда қолдиришга эришди.
Умумий ҳисобда, "кўк-анорранглилар" мавсумда 115та гол уришга муваффақ бўлишди ва ўз рекордларини янгилашди. Клубнинг аввалги 114та голлик рекорди ўтган йили ўрнатилган эди. Эслатиб ўтамиз, маҳсулдорлик борасидаги Испания чемпионати рекорди Мадриднинг "Реал" жамоасига тегишли. "Қироллик клуби" 2011/2012 йиллар мавсумида рақиблар дарвозасини 121 марта ишғол қилгандилар.
"Барселона" – "Малага" - 4:1
Голлар: 1:0 – 3 Вилья, 2:0 – 14 Фабрегас, 3:0 – 16 Монтойя, 4:0 – 52 Иньеста, 4:1 – 56 Моралес.
"Барселона" – Хосе Пинто, Монтойя, Пике (Абидаль, 76), Маскерано, Альба, Бускетс, Хави, Иньеста (Алькантара, 55), Педро, Фабрегас, Вилья (Санчес, 78).
"Малага" – Кабальеро, Хесус Гамес, Лугано, Велигтон, Элизеу, Тулалан, И. Камачо, Хоакин (Себа, 70), Баптиста, Иско (Савиола, 79), Санта Крус (Моралес, 46).