Хабарингиз бор, халқаро тажрибага эга бир қатор мутахассислардан иборат Ўзбекистон футбол ҳакамлари марказининг янги тузилмаси тасдиқланиб, мазкур йўналишни ривожлантиришга оид вазифалар белгиланган эди. ЎФА биринчи витсе-президенти Равшан Ирматов ҳамда Техник директор Ги Киала бошчилигида марказ олдида турган кейинги режалар юзасидан онлайн йиғилиш ўтказилди.

Йиғилишда ҳакамлар таълими сифатини ошириш, мусобақалар билан ишлаш ва VAR технологияларидан фойдаланиш масалалари муҳокама қилинди. Шунингдек, ҳакамларнинг жисмоний ҳолатини назорат қилишда илғор технологиялардан фойдаланиш, шу жумладан, "POLAR" тизими орқали жисмоний кўрсаткичларни мониторинг қилиш бўйича фикр алмашилди.

12-24 февраль кунлари Анталия шаҳрида Суперлига ҳакамлари учун ўқув-машғулот йиғини ташкил этилмоқда. Ушбу йиғинлар янги мавсумга тайёргарликни кучайтиришга, ҳакамларни назарий ва амалий жиҳатдан тайёрлашга, жисмоний тайёргарликни оширишга хизмат қилиши қайд этилди.