Хабарингиз бор, яна бир неча кундан кейин Тожикистон пойтахти Душанбе шаҳрида аёллар футзали бўйича Марказий Осиё футбол ассоциациялари — CAFA турнири старт олади.
Унда қизларимиз Эрон, Тожикистон, Қирғиз Республикаси ва Туркманистон аёллар футзал терма жамоалари билан куч синашади.
Мазкур мусобақа олдидан терма жамоамиз Тошкентда йиғинга киришди. Икки кун давомида Тошкентда ўтадиган машғулотлардан кейин терма жамоа Душанбе шаҳрига йўл олади.
Терма жамоа бош мураббийи Фаррух Зокиров мазкур йиғинга қуйидаги таркибни жалб қилди:
Дарвозабонлар: 13.Эъзоза Севинова, 1.Нилуфар Бахтиёрова
Ҳимоячилар: 10.Рушаня Сафина, 8.Айгерим Отеназарова, 7.Феруза Турдибоева, 14.Шодия Тошева, 9.Дилдора Нозимова, 5.Зумратжон Назарова, 11.Илвина Аблякимова
Ҳужумчилар: 12.Оминахон Валихонова, 4.Мадина Вохидова, 6.Холида Дадабоева, 2.Лазиза Жумабоева, 3.Гулчехра Эшмаматова.
