Мадриднинг “Реал” клуби ярим ҳимоячиси Лука Модрич келажаги борасида бир қарорга келди. 

AS нашри хабарига кўра, хорватиялик футболчи Мадрид клуби билан шартномасини яна бир мавсумга - 2026 йилнинг ёзига қадар узайтирмоқчи.

Манбанинг қайд этишича, Модрич 2026 йилги навбатдаги жаҳон чемпионатида Хорватия терма жамоаси билан ўйнамоқчи.

Жаҳон чемпионати олдидан тажрибали хорватиялик футболчи ўзини юқори савияда давом эттиришга умид қилмоқда.

Модричнинг "Реал" билан шартномасини узайтириш борасидаги мунозаралар жорий мавсумдан кейин бўлиб ўтади.