23 ёшли ҳужумчи Жошуа Зиркзее 2024/2025 йилги мавсум якунида "Манчестер Юнайтед"ни тарк этиб, Италия чемпионатига қайтиши мумкин. Бу ҳақда «Todofichajes» журналистлари хабар бермоқда.

Нидерландиялик форварднинг хизматларига А Сериянинг икки клуби "Наполи" ва "Ювентус" қизиқиш билдирмоқда. Иккала даъвогар ёзги трансфер ойнасида Жошуани қўлга киритишга умид қилишмоқда.

«Transfermarkt» портали маълумотларига кўра, форварднинг бозор нархи 42 миллион еврони ташкил қилади. Унинг "қизил иблислар" билан шартномаси 2029 йилнинг июнь ойи охирида якунига етади.