"Реал" ҳужумчиси Винисиус Жуниор "Реал"нинг собиқ ҳимоячиси Марселонинг фаолиятини якунлагани ҳақидаги хабарга жавоб берди.

"Сизнинг ўйинингизни томоша қилиш ва бу ажойиб карьеранинг бир қисми бўлиш шараф эди. Баъзи футболчилар тўп билан сеҳргар, бошқалари эса ғолиб. Аммо фақат бир нечтаси сеҳргар ва ғолибдир. Сиз улардан бирисиз.

Маслаҳат, танбеҳ ва бирга ўтказган вақтингиз учун ташаккур. Биз майдонда бирга ғалаба қозонганмиз ва ундан ташқарида ҳам дўстмиз. Янги чақирувингизда омад тилаймиз. Афсона!" — деб ёзди Винисиус ижтимоий тармоқда.

Марсело 36 ёшда ва "Флуминенсе" футбол клуби тарбияланувчиси ҳисобланади.