Жума куни "ПСЖ" Франция чемпионати доирасидаги уй учрашувини "Монако"га қарши ўтказади. Шу куни Лига 1 гиганти нафақат ҳимоячи Нуну Мендеш, балки бош мураббий Луис Энрике билан ҳам шартнома узайтирилганини эълон қилади. Бу ҳақда RMC Sport ўз саҳифаларида хабар бермоқда.
Луис Энрике 2023 йилнинг ёзида "ПСЖ"ни қабул қилиб олганди. Ўшандан бери 85 та расмий ўйинда жамоа 57 ғалаба, 18 дуранг ва 10 мағлубиятни қабул қилган. Париж клуби президенти Носир Ал-Хелайфий мунтазам равишда Энрикени мақтайди.
"ПСЖ" - "Монако" учрашуви Тошкент вақти билан 01:05да бошланади.













