"Венеция" клуби спорт директори Филиппо Антонелли ўзбекистонлик ҳужумчи Элдор Шомуродовнинг трансфери нега амалга ошмагани ҳақида гапирди.
"Роман Яремчук ва Элдор Шомуродов бизнинг асосий трансфер мақсадларимиз эди. Уларнинг клублари билан келишувга эришган эдик. Яремчукнинг трансфери бўйича январь ойи бошида, Шомуродов билан эса ойнинг 20-саналари атрофида келишганмиз. Аммо кейинги ўйинларда улар муҳим голлар ургани учун вазият ўзгарди ва уларни олиб келиш имкони қолмади", – деди Антонелли.
"Венеция" ҳозирда Италия чемпионати турнир жадвалида 19-ўринда жойлашган. Жамоа навбатдаги ўйинини 9 февраль куни "Рома"га қарши ўтказади.













