"Арсенал" вингери Габриэль Мартинелли Англия лига кубоги доирасида "Ньюкасл"га қарши ўйинда жароҳат олди. The Athletic хабарига кўра, дастлабки текширувлар Мартинеллининг жароҳати туфайли бир ойдан кўпроқ вақтга сафдан чиқишини кўрсатмоқда. 23 ёшли футболчининг майдонга қайтиши тахминан март ойи ўрталарида бўлиши мумкин. Бу Габриэлнинг "канонирлар"нинг бир қатор ўйинларини ўтказиб юборишини англатади, дея хабар беради The Athletic.
Габриэль Мартинеллининг жароҳатигача Букайо Сака ва Габриэль Жезуслар ҳам сафдан чиққан эди. Бу "Арсенал" учун ҳақиқий зарба бўлди.
"Арсенал"нинг навбатдаги ўйинида 15 февраль куни АПЛ доирасида "Лестер" меҳмони бўлади.
