"Ливерпуль" ҳужумчиси Диогу Жота Лондоннинг "Арсенал" клубига ўтиши мумкин.
"Канонирлар" ўтган ёзда португалияликни сотиб олишни жиддий ўйлаб кўришган, дея хабар беради журналист Сем МакГайр. "Ливерпуль" форвардни рақибларидан бирига сотишни истамаган, аммо агар нарх яхши бўлса, муҳокамаларга очиқ эди. 28 ёшли футболчини номи ошкор этилмаган хориж клублари ҳам кузатмоқда.
Transfermarkt Диогу Жотанинг нархини 50 миллион еврога баҳоламоқда. Жорий мавсумда футболчи "қизиллар" сафида барча мусобақаларда 20 та ўйинда майдонга тушиб, 8 та гол урди ва 2 та голли узатмани амалга оширди.
