"Манчестер Юнайтед" "Аталанта" ярим ҳимоячиси Эдерсонни қўлга киритиш борасидаги саъй-ҳаракатларини давом эттирмоқда.
"Қизил иблислар" бразилиялик футболчи учун энг кўп тилга олинган даъвогарлар бўлиб, "Манчестер Сити" ва бошқа Премьер-лига гигантлари ҳам қизиқиш билдиришмоқда. Журналист Руди Галеттининг хабар беришича, яқин ҳафталарда футболчи бўйича янги музокаралар бўлиб ўтади. "Аталанта" 25 ёшли ярим ҳимоячини 60 миллион еврога баҳоламоқда.
Жорий мавсумда Эдерсон Жан-Пьеро Гасперини жамоаси сафида 34 та ўйинда майдонга тушиб, 4 та гол урди ва 2 та голли узатмани амалга оширди. Футболчининг "Аталанта" билан шартномаси 2027 йилнинг ёзига қадар тузилган.
