Англия футболида Премьер-лиганинг ўн бешинчи туридан ўрин олган қолдирилган ўйин бўлиб ўтди, унда "Эвертон" ва "Ливерпуль" ўзаро баҳс олиб боришди.
Дерби ҳар доимгидек кескин ўтди - 2:2.
Шу тариқа Дэвид Мойес АПЛдаги энг қийин рақибига қарши яна ғалаба қозона олмади. Бу Мойеснинг мураббий сифатидаги "қизиллар"га қарши ўттиз саккизинчи ўйини бўлди.
Шу вақт ичида Мойес бор йўғи тўртта учрашувда ғалаба қозонган. Ғалаба 10,5% - бу Мойес учун Премьер-лигада қарши ўйнаган барча жамоалар орасидаги энг паст кўрсаткичдир. “Ливерпул”га қарши яна 10 учрашув дуранг, 24 таси мағлубият билан якунланган.
