"Бавария" Чемпионлар Лигаси плей-офф босқичининг дастлабки ўйинида "Селтик"ни 2:1 ҳисоби билан мағлуб этди.
Мюнхенликлар ҳужумчиси Харри Кейн ўйиннинг 49-дақиқасида гол урди. Шундай қилиб, инглиз футболчиси клуб ва халқаро даражадаги ўйинларда Каспер Шмейхель дарвозасига 19 та гол киритди - бу бошқа ҳар қандай дарвозабонга нисбатан 5 та голга кўпроқдир.
Кейн 2023 йилнинг ёзида 79 миллион фунт стерлинг эвазига "Тоттенхэм"дан "Бавария"га ўтган эди. Жорий мавсумда Харри клуб ва миллий терма жамоа учун 34 та ўйинда 32 та гол уриб, 10 та голли узатмани амалга оширди.
