Винисиус Жуниор "Реал" билан янги шартнома бўйича ўз талабларини маълум қилди.
Томонлар 2027 йилгача мўлжалланган битимни узайтиришни муҳокама қилмоқда.
«AS» хабарига кўра, Мадрид клуби қанот ҳужумчисининг агентлари билан боғланиб, унинг қанча маош олмоқчи эканини сўраган. Бразилиялик талаб қилинаётган суммани айтиб бўлган, энди футболчи томон "Реал"дан жавоб кутмоқда.
Қайд этилишича, Саудия Арабистонининг таклифи мадридликларни музокараларни ҳозирдан бошлашга мажбур қилган, аммо клуб ёзгача бу мавзуни муҳокама қилишни режалаштирмаган.
