"Ливерпуль" ҳимоячиси Жо Гомес яқинда сафга қайтди ва Англия кубоги доирасида "Плимут"га қарши ўйинда асосий таркибда майдонга тушди. Футболчи майдонда тахминан ўн дақиқа ўйнади, кейин яна ўша тизза ости пайидан жароҳат олди.
«The Times» хабарига кўра, "Ливерпуль" 27 ёшли Гомесни қўшимча текширувга юборади. Ҳимоячининг тикланиши учун қанча вақт керак бўлишига аниқлик киритилмаган. Шу билан бирга, Жо Премьер-лигада қолган турнир қисмининг катта қисмини ўтказиб юбориши айтилмоқда.
"Ливерпуль" иккинчи ўриндаги "Арсенал"ни 7 очкога ортда қолдириб, Англия чемпионатида яққол пешқадамлик қилмоқда.
